للي فاته money20/20
يا هلا 👋🏼،
يعطيكم العافية لكل شخص جانا في Money20/20 في ملهم، ولكل واحد وقف معنا، سألنا، ناقشنا، أو حتى مرّ يسلم. أما اللي فاته المؤتمر فمعذور، وهذا ملخص سريع لأهم اللي صار
ونبدأ بأهم شيء لك أنت:
أكثر من 50 صندوق
قبل أسبوع قلنا لكم إن دراهم صار فيها أكثر من 50 صندوقًا استثماريًا من مجموعة من أكبر مديري الصناديق في المملكة، وتقدر تجمع اللي يناسبك منها في محفظة مخصصة واحدة، وبإيداع واحد.
واليوم صار بإمكانك تصفح الصناديق ومقارنتها مباشرة من موقع دراهم قبل ما تختار وش يناسب محفظتك.
والعدد ما بيوقف هنا.
خلال Money20/20 وقّعنا اتفاقية مع الجزيرة كابيتال لإتاحة صناديقها الاستثمارية داخل منصة دراهم مباشرة، وإضافة خيارات جديدة تشمل فئات استثمارية متنوعة من الأسهم السعودية والمرابحة والاستراتيجيات المختلفة.
يعني الـ50 صندوق اليوم… بنزيد عليها 😎.
وبمناسبة اليوم الوطني السعودي الـ96، خلينا الوصول لكل هالخيارات أسهل:
دراهم بلس بـ96 ريال فقط 🇸🇦. *لفترة محدودة بمناسبة اليوم الوطني.
والادخار؟ عندنا له خطط أكبر
ووقّعنا كذلك اتفاقية مع بنك التنمية الاجتماعية، لكن هذي مختلفة شوي.
هدف الشراكة هو العمل على حلول وأفكار جديدة ترفع مستويات الادخار وتنشر ثقافته في المملكة، وتسهّل الوصول إلى الحلول الادخارية للأفراد والأسر؛ بما يدعم مستهدفات الشمول المالي والاستدامة المالية ورؤية السعودية 2030.
وهذا يجي متوافق مع شيء نشتغل عليه أصلًا في دراهم: إن الادخار ما يكون مجرد مبلغ واقف في الحساب، بل عادة سهلة ومستمرة ويكون للمال خلالها فرصة للنمو.
وتعطي المحفظة الجديدة مع بنك التنمية الاجتماعية خطة واضحة للادخار وبعائد مستهدف 6.1% سنويًا، ومع الشراكة الجديدة نطمح نبني أفكارًا وحلولًا أكثر تخلي الادخار أسهل وأقرب لعدد أكبر من الناس.
وشكرًا لكل من جانا في ملهم.
نشوفكم في Money20/20 السنة الجاية 👋🏼.
