استثمارات ولدك المليونية!
مساء الخير ☀️
مع عودة المدارس تعود معها الأفكار والخطط اللي ودك تطبقها لعيالك، قيم ودك ترسّخها وفرص ودك تتيحها، ومؤخرًا بدأ كثير من الأباء والأمهات أو المقبلين على الأبوّة والأمومة، في التفكير في طرق حديثة لضمان مستقبل أولادهم من الناحية المادية، والحل اللي يجي في البال فورًا أني افتح لهم حساب بنكي خاص فيهم واودع فيه بشكل شهري، في هالنشرة ودنا نعرف كيف أن الاستثمار ممكن يكون الحل الأمثل.
ميزة الاستثمار دايمًا أنه سلوك، وطريقة تفكير، قبل لا يكون أنه من الأساس أجدى ماديًا.
فأنت مو بس تعطي ولدك "محفظة مليونية" بل الأهم أنك تزرع فيه مفاهيم الاستثمار والادخار كنمط حياة.
مليونير بالثانوية!
تخيل معي أنك يوم تخرّجت من الثانوية كان معك محفظة قيمتها مليون ريال! كيف كانت بتكون خياراتك؟ ولو أقولك أنك تقدر اليوم تخلي هالخيال واقع أولادك أو أخوانك الصغار، مع شهادة الثانوية .. محفظة متنوعة مليونية.
طيب قبل لا نشوف الطرق الأكثر واقعية وغير المتكلفة ودي نعرف ليش أصلًا يعتبر هذا الهدف مهم، وهل العكس هو الأفضل في أن الشخص يبدأ من الصفر وتدقه الدنيا علشان يعرف قيمة الريال، أو أنها بتعطيك كأب وبتعطي الولد خيارات أكثر وتطبيق وأثر فعلي للاستثمار وإدارة الأموال؟
سيارة الابن أو رسوم دراسته خارج المملكة أوحتى تكاليف زواجه، أو أقلها أن الابن يعرف أن عنده محفظة فيها أصول مليونية فتكون دافع له يتعلم أكثر ويشتغل على الاستثمارات وتنميتها، كل هذي وأكثر تبدأ بقرار بسيط تبدأه اليوم. كيف؟ خلني بقولك.
مع سحر العائد المركب بتعرف أن استقطاعك لألف ريال فقط وبشكل شهري، قادرة لأنها توصّل أصول محفظتك لمليون ريال خلال 17 سنة وهو عمر ولدك عند التخرّج من الثانوي.
وزي ماهو موضح في الرسم البياني فوق أن المبلغ المستثمر حجمه 200 ألف تقريبًا وهي الألف ريال اللي أنت تستقطعها شهريًا، لكن مع سحر العائد المركّب قدرت تتضاعف لخمس مرات تقريبًا.
والغريب أن أثر المحفظة اللي تسويها لولدك اليوم ما يقتصر على المبلغ اللي بيلاقيه فيها بعد 17 سنة. فيه دراسة منشورة في Journal of Economic Psychology تتبعت أثر تعليم الأطفال الادخار على سلوكهم بعد ما كبروا، وكانت النتيجة أن اللي تعلّموا الادخار من أهلهم كانوا أكثر احتمالًا للادخار لاحقًا بنحو 16%، وكانوا يدخرون مبالغ أعلى بنحو 30%.
فإذا ودك ولدك ولا أخوك الصغير يتخرّج من الثانوية بمحفظة مليونية، كل اللي عليك تبدأ اليوم بمحفظة من عندك تخليها له ولمستقبله. إبدأ محفظته مع دراهم وشاركه المحفظة يتابعها بشكل دوري، وازرع فيه قيمة يشكرك عليها أبد الدهر.
