ركضت بالمارثون؟🏃🏻♂️
أهلًا 👋🏼،
هل كنت من الراكضون في المارثون؟
الأسبوع الماضي كان مارثون الرياض، والمارثون كمفهوم يذكرني بشيء. بقولك وش هالشيء في هالنشرة.
المتسابقين في المارثون يعرفون أن السرعة ما تفيد في الماراثون
ولو شفت ماراثون الرياض أو أي مارثون في العالم، بتلاحظ شي ثابت:
الفائز مو دايمًا الأسرع في البداية.
في ناس تبدأ بسرعة جنونية، تبهر الناس في أول كيلومتر، لكن بعد شوي؟ تتعب وتوقف.
فاللي يعرف للمارثون يبدأ بهدوء، ويحافظ على وتيرة ثابتة، لأنه عارف أن الفائز هو اللي وتيرته أهدى وأثبت.
فالي يذكرني فيه المارثون هو الاستثمار 🤔
الاستثمار ماراثون طويل
كثير ناس يدخلون الاستثمار بعقلية إنه سباق 100 متر، يبون نتائج سريعة، أرباح فورية، مضاعفة في شهور.
فيدخلون في استثمارات خطرة، يطاردون الارتفاعات، يشترون ويبيعون كل أسبوع. النتيجة؟ يتعبون ويتوقفون.
لكن الاستثمار الحقيقي اللي نظرته بعيدة المدى هو مارثون طويل، مو سباق سرعة.
يحتاج صبر، استمرارية، وتيرة ثابتة. ما يحتاج سرعة جنونية في البداية، يحتاج خطة واضحة ووتيرة مستدامة.
ففي المارثون الاستمرارية تغلب السرعة
فالركض سباقك أنت
استثمر بقدراتك، بوقتك، بأهدافك.
الوتيرة الثابتة والخطة الواضحة هي اللي بتفوز ولو تسأل العدائين الفايزين في الماراثون وش سركم بيقولون:
الوتيرة الثابتة أهم من السرعة العالية.
يحددون سرعة معينة، ويلتزمون فيها طول السباق. ما يسرعون في البداية ويتعبون، وما يبطون في النهاية ويندمون.
وتيرة ثابتة، من البداية للنهاية.
والاستثمار؟ نفس المبدأ.
الاستثمار الشهري المنتظم، حتى لو بمبلغ صغير، أفضل من استثمار مبلغ كبير مرة واحدة وبعدين تتوقف.
ختامًا
هذا اللي لاحظته كنقطة مشتركة بين المارثون والاستثمار، النجاح مو في السرعة، النجاح في الاستمرارية.
وإذا منت مصدق، إسأل العشرة الأوائل في مارثون الرياض 😎
