جاك يا مهنا .. كل الصناديق اللي تتمنى 🫵🏼
يا هلا 👋🏼،
لو قلنا لك اختر استثماراتك من، 50 صندوق استثماري.
من الراجحي المالية، والأهلي المالية، وجدوى، ودراية، والبلاد، ويقين، والأول للاستثمار، وش بتختار؟
يمكن صندوق واحد، ويمكن خمسة.
ويمكن تقول: أنا وش يعرفني أختار أصلًا؟ 😅
وهنا تحديدًا تجي فكرة المحافظ المخصصة في دراهم، بدل ما تكون خياراتك محصورة في محفظة جاهزة، تقدر تبني محفظة أنت اللي تحدد مكوناتها ونسبة كل صندوق فيها.
لكن قبل ما نتكلم عن كيف تسويها، فيه سؤال أهم:
ليش أصلًا أحتاج أكثر من صندوق؟
يمكن تكون الإجابة البدهية هي التنويع.
لكن فيه فرق بين أنك تملك صناديق كثيرة، وبين أنك تكون متنوع فعلًا.
دراسة استعرضها CFA Institute أخذت بيانات صناديق الأسهم الأمريكية النشطة من Morningstar بين 1995 و2013، واختبرت وش يصير لما تجمع أكثر من صندوق داخل محفظة واحدة.
حصل الباحثون أن الجمع بين صناديق تختلف استراتيجياتها وتحركاتها عن بعضها قدر يقلل تقلب المحفظة، وأن الجزء المهم من فوائد التنويع برز لما تجمع بين عدد محدود من الصناديق.
لكن الدراسة فيها تفصيلة أهم من النتيجة نفسها:
الفائدة كانت أكبر عندما كانت الصناديق أقل ارتباطًا ببعضها.
بمعنى آخر:
امتلاك 10 صناديق تسوي تقريبًا الشيء نفسه مو بالضرورة أفضل من امتلاك 3 أو 4 صناديق مختلفة فعلًا، وهذي يمكن أهم قاعدة وأنت تخصص محفظتك، لا تهتم بعدد الصناديق، اهتم بأصولها.
50 صندوق، بمحفظة وحدة
قبل فترة، كان عندنا في دراهم 39 صندوق استثماري متاح للتخصيص.
واليوم أضفنا 11 صندوق مؤشرات متداولًا محليًا (ETF)، وصار عندك إجمالًا:
50 صندوقًا استثماريًا، من 7 شركات مالية مختلفة:
الراجحي المالية، الأهلي المالية، جدوى للاستثمار، دراية المالية، البلاد المالية، يقين كابيتال، والأول للاستثمار، بالإضافة لصناديق السوق الأمريكي.
وهنا الميزة مو مجرد أن عندك 50 خيارًا، الميزة أنك تقدر تجمع خيارات من مديري استثمار مختلفين في محفظة واحدة.
يعني مثلًا، بدل ما تفتح حسابًا هنا علشان صندوق، وحساب ثاني هناك علشان صندوق آخر، وتحوّل لكل واحد بشكل مستقل، تقدر تجمع الصناديق اللي اخترتها في محفظة واحدة داخل دراهم، وتحدد نسبة كل واحد منها، ثم تستثمر فيها بإيداع واحد.
طيب، ليش أكثر من مدير استثمار؟
لأن مدير الاستثمار مو مجرد اسم على الصندوق، كل مدير عنده فلسفته، وفريقه، وطريقته في اختيار الاستثمارات وإدارة المخاطر.
والفكرة من التنويع بين المديرين والصناديق هي أنك ما تعتمد بالكامل على استراتيجية واحدة أو قرارات فريق واحد، بشرط أن تكون الاستثمارات نفسها مختلفة بشكل حقيقي.
بل إن دراسة أخرى عن استخدام عدة مديري محافظ وجدت فوائد في خفض المخاطر عند الجمع بين عدة محافظ مُدارة، لكن هذي الفائدة تعتمد على اختلاف المحافظ ومديريها، وما هي ضمان لتحسن العائد.
طيب أنا ما أعرف أختار بين الـ 50 صندوق!
أجل لا تختار 😄.
المحافظ المخصصة أصلًا مو مفروض تكون الخيار المناسب لكل شخص، إذا عندك معرفة بالصناديق، وعندك تصور عن توزيع أصولك، وتعرف ليش تبي هذا الصندوق بنسبة 20% والثاني بنسبة 30%، فالتخصيص يعطيك مساحة أكبر تبني فيها المحفظة اللي تبيها.
أما إذا ما ودك تدخل في كل هالتفاصيل، عندك محافظ دراهم الجاهزة، وتختار لك المحفظة المناسبة بناءً على هدفك ومدتك ومستوى المخاطرة المناسب لك.
