هل الجمعيات الشهرية، مجدية استثماريًا؟
تعتبر الجمعيات المالية من أبرز الخيارات اللي يلجأ لها البعض في سبيل تحقيق هدف أو غاية ذات أجل قصير،
ولذا بتكون هذي النشرة عن مقارنة بسيطة بين النتائج والسلوكيات بين الجمعيات المالية والصناديق الاستثمارية.
وش هي الجمعيات المالية؟
"تكون الجمعيات الشهرية المالية عن طريق تجميع مبالغ مالية متساوية من المشاركين في الجمعية، وهذا على أساس دوري شهري"
بشكل أوضح هو أنك تشترك مع جمعية وتلتزم بمبلغ معين بشكل شهري في سبيل تحقيق مبلغ مالي محدد مسبقًا في الجمعية.
فلو أن الجمعية هدفها 60 ألف ريال ويشارك فيها 12 شخص ولمدة 12 شهر، بيودع كل شخص 5 الآف ريال شهريًا مبلغ اشتراك، وبيدفع كل شخص مبلغ دخول وتحديد دور مختلف باعتماد دوره في الجمعية، فالأول بيدفع 3000 الآف ريال بس علشان يكون أول واحد توصله الـ60 ألف واللي ترتيبه في الأخير ممكن يدفع مبلغ رمزي فقط في مقابل أنه بيدفع 5 آلاف ريال شهريًا لمدة 12 شهر علشان يستلم الـ60 ألف ريال.
هل تناسبني الجمعيات المالية ولا الصناديق الاستثمارية؟
حقيقةً هي تعتمد باعتماد احتياجاتك وسلوكك بشكل عام في الحياة، فيه أشخاص قبل التطور الرقمي للبنوك كان يروح للبنك ويفتح حساب عند البنك لكن يطلب من الموظف أنه ما يطلع له بطاقة علشان يضطر ما يصرف.
هالشخص غالبًا الجمعيات خيار أنسب له من الصناديق،
أما إذا أنت شخص تقدر تلتزم بدون ما تجيك تهديدات برفع اسمك لسمة فالصناديق الاستثمارية هي أربح وأريح لك بفارق كبير جدًا.
فلو افترضنا أن عندك نفس الهدف والغاية وهي 60 ألف خلال 12 شهر، ممكن تستثمر في المحفظة الادخارية بعائد 6٪ وتودع شهريًا 5 آلاف ريال. بعد 12 شهر بتكون معك الـ60 ألف وفوقها عائد بنسبة 6٪،
فهي أكثر ربحية من الجمعية وأكثر مرونة بالطبع، فلو تغير هدفك في نص الفترة ما بتكون ملزم بالمبلغ الدوري لبقية الفترة، ولو ودك تأخرّ الهدف شهر ولا شهرين، فما راح تضطر تتعامل مع الجهة المنظمة للجمعية واتصالاتهم وإنذاراتهم برفع أسمك لسمة وغيرها.
فالصناديق الاستثمارية في الغالب أربح وأريح لك من نظائرها من الخيارات الباقية،
وقراراتك تعتمد دائمًا على أهدافك وسلوكك المالي، فإذا عندك هدف مالي قصير المدى حط هالأمور في الحسبان واتخذ القرار اللي تشوفه الأنسب لك.
