*ما أخفيكم، أول مرة سمعت بمصطلح "أسواق النقد" توقعته مصطلح جديد يدرج بين الناس مثل "عنق الزجاجة" أو "الأغلبية الصامتة" وأتوقع سبب هاللبس اللي صار هو أني أخذت "النقد" بمفهومها الآخر😅.
فاليوم وفي هالنشرة ودي أشرح هالأصل الاستثماري الفريد من نوعه اصلاحًا وتعريفًا.
في الاستثمار، تعوّدنا نسمع عن الأسهم اللي ترتفع فجأة وتنزل فجأة، عن العقار اللي يحتاج وقت طويل، وعن الذهب اللي يلجأ له الناس في أوقات التوتر.
لكن فيه أصل استثماري مختلف تمامًا.. ما يركض، ولا يوقف، يتحرّك بهدوء، يشتغل بصمت، ويخدم هدف واضح:
حفظ القيمة، وتوليد عائد بسيط بدون قلق.
هذا هو عالم "أسواق النقد".
أسواق النقد، أو ما يُعرف عالميًا باسم Money Market، هي ببساطة بيئة مالية مخصصة للدراهم "اللي ما تبغى تنام، بس ما تبغى تغامر".
اللي يميز هالأصل إنه يعتمد على أدوات قصيرة الأجل. يعني ما يستثمر في شيء يبي له سنوات، بل في أصول مالية مدتها غالبًا أقل من سنة، زي أذونات الخزانة، اتفاقيات إعادة الشراء، أو صكوك بين البنوك.
هذي الأدوات غالبًا تصدرها جهات ذات موثوقية عالية، زي الحكومات أو البنوك المركزية أو شركات ضخمة، عشان كذا تعتبر مخاطرتها منخفضة جدًا.
بشكل أبسط،
تخيل عندك مبلغ جانبي تبغى تجمع فيه قيمة سيارة، أو دفعة بيت، أو حتى صندوق طوارئ لأي ظرف.
تحطه في سوق الأسهم؟ مخاطرة.
تخليه في الحساب البنكي؟ يتآكل مع الوقت.
لكن في سوق النقد؟
يعطيك توازن منطقي: عائد بسيط + أمان + مرونة.
علشان كذا في دراهم، صُممت المحفظة الادخارية على هذا الأساس بالضبط.
أصلها الاستثماري الرئيسي هو "أسواق النقد"، تخدم الأهداف القريبة والمتوسطة، وتعطيك خيار استثماري محافظ، واضح، ويشتغل بصمت… بدون ضجيج السوق. 🌱
