وش هو التضخم بشكل مبسّط

شفت لو أن معك 100 ريال عام 1985 كان بيمديك تعبي سيارتك بنزين فل وتتعشى أنت وخويك وتجيب مقاضي للبيت معك عالطريق فقط بالـ100 ريال

بينما اليوم لو أعطيك هالـ 100 ريال في 2025 ما بتقدر تسوي ربع هالأشياء. وعلى طاري سنة 2025، فيه هدية بسيطة لك نهاية النشرة. 🙌🏼

هذا بشكل مبسّط تأثير التضخّم، بأن القوة الشرائية لريالك اليوم تنقص مع الوقت بشكل تدريجي،

وهو أمر طبيعي وعادةً يكون مؤشر ممتاز لنمو الاقتصاد، إذا كان في مستويات التضخم المتوقعة والطبيعية وهي من بين 2-5٪ سنويًا. ووفقًا للهيئة العامة للإحصاء معدل التضخم في السعودية 1.9٪.

طيب كيف التضخّم في معدلاته الطبيعية يكون مؤشر جيد؟

التضخم لما يكون في مستوياته الطبيعية من 2-5٪  يعتبر علامة على إن الاقتصاد بشتغل بشكل صحي. ليه؟ لأن ارتفاع الأسعار بشكل بسيط يعني إن فيه طلب على السلع والخدمات، والناس قاعدة تصرف دراهمها، والشركات تكبر وتستثمر.

أما لو ما فيه تضخم أو كان فيه انخفاض في الأسعار (الانكماش)، الناس بتصير تنتظر علشان تشتري، على أمل إن الأسعار تنزل أكثر، وهذا طبعًا يبطئ السوق ويعطلّه. لكن التضخم المعتدل يخلي الناس تشتري اليوم بدل ما تأجل، واللي بدوره يعزز حركة الاقتصاد ويقويها.

عندنا في السعودية، التضخم تحت السيطرة وفي المعدّل الطبيعي، وهذا دليل إن المشاريع التنموية وخطط رؤية 2030 ماشية في الطريق الصحيح، وإن السوق مستقر ويشجع المستثمرين وأصحاب الأعمال إنهم يبدون ويشتغلون بثقة أكبر.

لكن دراهمك وهي بحاسبك الجاري أو كاش بتخسر من قيمتها سنويًا بالضرورة، فهل فيه حل لنقص قيمة الريال بشكل سنوي؟

الحل باختصار هو في الاستثمار او الادخار.

الاستثمار يُعتبر حل ذكي لأنه مو بس يساعدك تحافظ على قيمة دراهمك، بل وتنميها. كيف؟ لما تحط دراهمك في استثمارات مثل الصناديق الاستثمارية بمختلف مستويات مخاطرها، غالبًا هالصناديق بترتفع قيمتها سنويًا بمعدل أسرع من نسبة التضخم السنوية.

خلنا نأخذ مثال بسيط: لو عندك 1000 ريال وحفظتها في حساب جاري عادي بدون أي عوائد، قيمتها الشرائية بتقل مع ارتفاع الأسعار بسبب التضخم 2٪ سنويًا. لكن لو استثمرت هالمبلغ في أصل يعطيك عائد سنوي مثلاً 6%، أنت كذا حميت دراهمك من الـ2٪ سنويًا وفوقها 4٪ زيادة على دراهمك!

وفي دراهم،

المحافظ الادخارية والاستثمارية تتراوح متوسط عوائدها المتوقعة من 6٪ إلى 21٪

فجميعها أعلى من معدلات التضخم بدءً من المحفظة الادخارية الآمنة جدًا إلى المحفظة النشطة اللي مصممة للي هدفه الاستثماري طويل المدى. فاحفظ دراهمك مع دراهم ونميّها!

أما الهدية البسيطة،

فهي تقويم دراهم لسنة 2025، يساعدك تضبّط خططك وتلتزم فيها. وتعرف تفاصيل عن هالسنة بشكل مميّز وفعّال.