يقولون "ما يبطي السيل إلا من كبره"، وإذا طبقنا المجاز على الواقع فكون السيل أبطى يعني أنه تأخر عن التوقعات المعتادة والسيل هنا يعني الرزق والخير أما كبره فدلالة على عظم النتائج والأرزاق. وهنا بالضبط يكمن سحر العائد المركّب في استثماراتك✨.
لما نقول سحر العائد المركّب فهو وصف دقيق له، لأنك لما تقول لواحد استثمر في أصول بعوائد 15٪ مثلًا يقول 15٪ بس!
أو تقوله أصمل في إيداع 1000 ريال شهريًا يقول وش بتسوي لي هالـ1000 ريال. لكن الواقع والمثبت فعليًا أن هالـ15٪ وهالـ1000 ريال ممكن تكوّن لك ثروة مليونية مع سحر العائد المركب.
وش هو العائد المركّب باختصار؟
هو معدل العائد على الاستثمار مع الأخذ في الاعتبار التأثير المضاعف (Compounding Effect) للاستثمار لكل سنة.
باختصار أكثر؟
يعني أنك لو تستثمر ألف ريال شهريًا لمدة 10 سنين. أرباح السنة الـ11 فقط قد تساوي كل اللي ربحته في الـ10 سنين الأولى.
في حال استثمرت 2500 ريال شهرياً بعائد سنوي 11% قيمة استثمارك = 253,804 ريال
2500 ريال شهرياً بعائد سنوي 11% بعد 12 سنة = 723,884 ريال
2500 ريال شهرياً بعائد سنوي 11% بعد 24 سنة = 3,247,449 ريال
هذا هو «سحر» العائد المرّكب. استثمارك للعائد يخلي رأس مالك يزيد بشكل متراكم. وعلشان كذا يقُال أن ألبرت أينشتاين وصف العوائد المركبة إنها "أعجوبة العالم الثامنة". وبغض النظر عن صحة المقولة أم لا، اللي يهمنا أن العائد المرّكب هو سبيلك في تحقيق الثروة والنجاح المالي💰.
فلما تحصّل في دراهم صندوق عائدة المتوقع 17٪ لا تفكّر في الشهر والسنة الجايين. تذكّر سحر العائد المركّب وأعرف أن هدفك هو خلق ثروة ماهو مجرد ربح وبيع سريع.
