هل تزكّى الصناديق السعودية مرتين؟

في السوق السعودي، كثير من الناس يسألون عن موضوع الزكاة على الصناديق. هل يا ترى لازم ندفع الزكاة مرتين؟ مرة الشركة تدفعها والمرة الثانية احنا؟ هالكلام يختلف حسب نوع الصندوق ونوع الأصول اللي يستثمر فيها، سواءً كانت أسهم أو عقار أو صكوك. في هالنشرة، بنشرح الاختلافات بينهم.

أوّل شيء، متى تجب الزكاة؟

الزكاة تجب بحسب الموجودات اللي بالصندوق. لو كان الصندوق يستثمر بأسهم شركات تدفع الزكاة (مثل كثير من الشركات السعودية)، غالبًا تكون الشركة زكّت عن نفسها. لكن لو الصندوق يستثمر في أسهم شركات أجنبية ما تزكي (زي أغلب الشركات الأمريكية)، هنا احنا في دراهم نتحمّل دفع الزكاة.

الصناديق النشطة مقابل الصناديق الخاملة:

الصندوق النشط

الصندوق النشط يعني إنه مدير الصندوق يبيع ويشتري الأسهم بشكل مستمر، في هالحالة، الصندوق يتعامل بالأصول تداولًا وتجارة، فهنا غالبًا لازم نزكي على هالتداول إذا حال عليه الحول. لأن الصندوق النشط مثل الشخص اللي شرى دهن عود ثم راح يتاجر فيها. فلازم إذا حال الحول يزكي،. 

الصندوق الخامل (مثل صناديق الـETF)

الصندوق الخامل يعني إنه يتبع مؤشر معيّن أو يستثمر في صندوق ثاني وما يتدخل بشكل مستمر في بيع وشراء الأصول، يعني الاستثمار راكد لمدى أطول. إذا كان هالصندوق يستثمر في شركات أصلاً مزكّية، فهنا ما تحتاج تزكي مرتين، لأن الشركات نفسها دفعت الزكاة، وما في بيع وشراء متكرر من مدير الصندوق يستدعي الزكاة.

طيب، وش نزكّي بالضبط؟

المبدأ إننا ما نخضع كامل الصندوق للزكاة، بل فقط الجزء اللي يعتبر متحرك ومتبدّل بشكل تجاري. يعني:

• لو فيه أصول راكدة (ما تُباع ولا تُشترى بشكل مستمر) ما نزكيها، مثل: عقارات مُحتفظ فيها للاستخدام أو للإيجار.
• إذا كان العقار يُتاجر فيه (بيع وشراء) أو الصندوق غرضه المضاربة العقارية، هنا نزكي قيمته مثل عروض التجارة.
• الإيجار اللي يجي من العقار هذا تجب فيه الزكاة لو تجمع وصار له حول كامل في حسابك.

نفس الفكرة في الأسهم: إذا كان الصندوق محافظ عليها وفقط يأخذ أرباحها الموزعة، وما فيه مضاربة، نلتفت إلى مسألة هل الشركة نفسها تزكي أو ما تزكي. إذا تزكي الشركة، ما نزكّي مرة ثانية على نفس المال.

أما عن العقار والصكوك

العقار،

العقار الأصلي ما تجب فيه الزكاة إلا لو كان غرضه التجارة، مثل واحد قاعد يشتري ويبيع أراض أو شقق بشكل مستمر. أما لو الاستثمار في عقار للإيجار فقط، فتجب الزكاة على الإيجار نفسه لو حال عليه الحول قبل ما تصرفه.

الصكوك،

الصكوك عادة نزكيها مرة وحدة في نهاية الصك، لأنها تمثّل وثائق تمويلية أو ملكية لأصول معينة، فما فيها بيع وشراء مستمر مثل الأسهم. فلما ينتهي الصك أو يحين وقت سداده النهائي، نطلع زكاة عن الربح اللي تحقق (إذا انطبقت شروط الزكاة).

ختامًا، هل الصناديق السعودية تُزكّى مرتين؟ الإجابة تعتمد على نوع الصندوق ونوع الأصول. الصندوق الخامل اللي يستثمر في شركات أصلاً مزكّية ما يحتاج زكاة إضافية، إلا إذا فيه جزء يحتاج إلى تطهير أو زكاة ما دفعتها الشركة. أما الصندوق النشط اللي يتداول بشكل مستمر يشبه التاجر، فهنا قد تكون عليك زكاة على رأس المال المتداول إن حال عليه الحول. والقاعدة الأساسية إننا ما نخضع كل شيء للزكاة بل فقط الجزء اللي يستخدم للتجارة أو جزء الأرباح لو كانت الأصول ثابتة. العقار ما عليه زكاة إلا لو كان للمتاجرة، والإيجار إذا تجمع له حول لازم نزكيه. الصكوك نزكّيها مرة وحدة في نهاية الصك.

واحنا في دراهم، قدمنا ميزة تزكية الاستثمارات بشكل يدوي من خلال التطبيق وبالتعاون مع "زكاتي" بغرض أنه يكون عندك خيار تزكية من طرفك لتضمن شرعية استثماراتك وأرباحك.