كيف تشتغل المصرفية المفتوحة
هل تعرف أحد من معارفك يسجل مصاريفه بالورق والقلم،
أو بأكسل شيت أو حتى أي من التطبيقات اللي تسجل صرفك بشكل يدوي؟
هالشخص يضبط مصاريفه من خلال أنه يسجل ويصنّف كل شيء يصرفه أو يوصله.
هالنمط فاد ناس كثير وساعدهم يرتبون مصاريفهم، لكن كم مننا عنده الجلد والصبر الكافي لأنه يقدر يسجل كل هالبيانات في اليوم الواحد ويتأكد من دقتها بشكل دوري ومستمر؟
علشان كذا وجدت المصرفية المفتوحة في السعودية وهي تعتبر إطار تنظيمي مرخّص ومشرّع من قبل البنك المركزي السعودي،
ويعرّفه البنك المركزي على أنه:
"المصرفية المفتوحة هي مفهوم جديد في القطاع المالي يهدف إلى تمكين عملاء الجهات المالية من مشاركة بياناتهم المالية بشكل آمن مع طرف ثالث يُقدِّم خدمات ومنتجات مالية جديدة ومبتكرة للعملاء"
طيب احنا في دراهم، كيف نستخدم المصرفية المفتوحة؟
نستخدم المصرفية المفتوحة باختصار علشان الناس اللي ما عندهم القدرة لأنهم يسجلون عملياتهم في إكسل شيت أو في مصاريف وغيرها من التطبيقات اللي تعتمد عليك. بشرح لك بالتفصيل المبسّط الخطوات اللي نستخدمها:
1- جمع الحسابات والأرصدة البنكية
في إحصائية داخلية سويناها في دراهم نتيجتها أن 83٪ من اللي في السعودية عندهم أكثر من حساب بنكي، واحد ينزل فيه الراتب والثاني مأخذ بطاقة إئتمانية منهم والثالث محفظة رقمية عندهم كاش باك ممتاز على كل عملية.
فكم رصيدك الحقيقي حاليًا؟
في دراهم وعبر المصرفية المفتوحة بتقدر تجمع كل حسابات البنكية وتشوف أرصدتك من مكان واحد بس
2- عملياتك بشكل آني وتلقائي
لو خذينا نفس مثال أنك بتشتري قهوة من جافا تايم، وش الخطوات اللي بتسويها في دراهم؟
في دراهم وعبر المصرفية المفتوحة، بتحصل عملية مسجّلة باسم جافا تايم وشعاره وبالسعر والتصنيف بشكل آني وتلقائي.
ومو بس كذا تقدر تضغط على المتجر وهو في هالعملية "جافا تايم" وتشوف كم صرفت على جافا تايم في الثلاث سنوات الماضية - تعتمد المدة على البنك حقك - كمجموع أو متوسط ومن كل البطاقات اللي سبق ودفعت فيها! ونفس الشيء تقدر تسويه على التصنيف نفسه وهو في هالحالة "المقاهي" وتشوف نفس الشيء وكم بالعادة تصرف إسبوعيًا أو شهريًا أو سنويًا على المقاهي وايش أعلى المقاهي اللي صرفت فيها. وعليها فقس.
3- تقارير دورية وميزانيات مخصصة
التقارير بشكل عام تعتمد على المعطيات، إذا أعطيت جودة ودقة وتنوع في المعلومات بتقدر تطلع تقارير مدهشة،
ففي دراهم وعبر المصرفية المفتوحة عندنا جودة بيانات ودقة معلومات تمكّننا من تقديم تقارير مفصلة وفعّالة جدًا لك ما يقدر أي بنك أو منصة ثانية تعطيك إياها.
تعليق أحد عملاء دراهم على تقارير دراهم
"بعد استخدامي لدراهم طلع لي في التقرير السنوي أن فيه مبلغ اشتراك ينسحب مني مرتين شهريًا، ولمدة سنتين! شيكت على كشف حسابي خلال السنتين وفعلًا طلع فيه خلل أن الاشتراك يسحب مني مرتين كل شهر ولمدة سنتين ورسالة البنك توصلني على عملية وحدة بس، هالشيء ما كنت إطلاقًا بعرفه بدون دراهم"
فالتقارير بتعطيك تفاصيل عن وين راحت دراهمك بطريقة أدق وأرتب من أي شخص قاعد يعطي ساعات يومية من وقته علشان يعرف نهاية الشهر أو السنة وين راحت دراهمه.
كيف المصرفية المفتوحة في دراهم ممكن تفيدك؟
أساس حل أي مشكلة أو تطوير أي وضع، هو معرفة تفاصيل الحالة اللي أنت فيها، فلما تعرف "دراهمك وين راحت" بتقدر تعرف وتقيس سلوكك المالي بشكل واقعي وحقيقي، وتقدر من خلاله ترتب وضعك بشكل أنسب وأفضل علشان تنتقل لمرحلة "كيف أنمّي دراهمي" وهي من خلال المستثمر الآلي في دراهم.
وعلشان كذا دراهم هو التطبيق المالي الأكثر تكاملًا والأفضل استخدامًا.
