نعتذر منك، الشهرين القادمة ستكون بدون راتب 📮
أهلًا 👋🏼
في الأخبار هالأيام، مع كل الأزمات اللي تتقلب فيها الأسواق وتتوتر فيها العلاقات بين الدول، صار مصطلح يتكرر كثير:
“المخزون الاستراتيجي”
النفط الاستراتيجي، القمح الاستراتيجي، الغاز الاستراتيجي.
وكل دولة تعلن كم عندها من المخزون الاستراتيجي ومتى بتضطر تلجأ له.
فخلني أسألك: وأنت؟
هل عندك مخزونك الاستراتيجي؟
لو صحيت بكرة وعرفت إن راتبك ما راح يجي، لا هذا الشهر ولا اللي بعده، كم شهر تقدر تغطي مصاريفك من اللي عندك؟
هذا اللي يسمّونه حساب الطوارئ، وهو أبسط وأهم اختبار لوضعك المالي.
الهدف إن يكون عندك ما يعادل 3 لـ 6 أشهر من مصاريفك جاهزة ومتاحة في أي وقت.
مثلًا: لو مصاريفك الشهرية 5,000 ريال، حساب طوارئك يكون بين 15,000 و 30,000 ريال.
ليش هالرقم مهم؟
الدول اللي ما عندها مخزون استراتيجي، أول ما تجيها أزمة تلجأ لقرارات مؤلمة واستسلام مبكر.
وأنت بالضبط كذا، لو ما عندك احتياطي، أول أزمة تجيك، تلجأ لقرارات تندم عليها.
بينما لو عندك 6 أشهر احتياطي، بتقرر بهدوء وبتعرف خطواتك الجاية بشكل أوضح
وفي دراسة عن هالموضوع من Fortune 2025
تقول إن 89٪ من الناس يعرفون إنهم يحتاجون حساب طوارئ لا يقل عن 3 أشهر — لكن 27٪ منهم ما عندهم ولا ريال واحد مدخّر.
يعني تسعة من كل عشرة يعرفون الحل، وواحد من كل أربعة ما طبّقه.
طيب وشلون نبدأ حساب الطوارئ؟ 🆘
ما تحتاج تغيّر حياتك كلها، تحتاج بس تحدد التزام محدد تحوّله كل شهر قبل ما تصرف.
مثلًا: لو حوّلت 500 ريال كل شهر للمحفظة الاستراتيجية في دراهم، وصلت لحسابك للطوارئ كامل خلال سنتين ونص، وأنت ما حسيت بفرق في حياتك اليومية.
والأهم؟ دراهمك هالفترة مو قاعدة، هي تشتغل وتكسب عوائد، بدال ما تتآكل من التضخم في حسابك الجاري.
فأبدأ من الشهر الجاي خطة بناء مخزونك الاستراتيجي، وبتشكر نفسك لاحقًا.
