الاستثمار في الاستثمار
مساك الله بالخير 👋
الاستثمار هو سلوك ونمط وفعل محدد. فجلستك مع صديق استثمار .. تضبيطك لقهوتك استثمار .. اهتمامك بعيالك استثمار. ولو تلاحظ النمط بتعرف أن الاستثمار هو قرارات تتخذها في مقابل نتائج تتوقعها.
لكن أهم أنواع الاستثمار .. هو الوقت. الفرص لا حدود لها لكن وقتنا في الدنيا محدود. وأبرز ما يعطل معظمنا في استثمار دراهمه هو اعتقاده بأن ما عنده الوقت الكافي لهالرحلة. سواءً لمتابعة استثماراته بشكل مستمر أو للتعلم حول الاستثمار والفرص وقراءة القوائم واتخاذ القرارات وغيرها.
التصور الخاطئ عن الاستثمار عندنا
اليوم المعتقد عند كثير مننا في المجتمع السعودي، إنك إذا ما كنت ملاصق لشاشات أسعار السوق 24 ساعة 7 أيام في الأسبوع، ومعك ثلاث جوالات وموظّف مدير محفظة وتأخذ معك شنطة سوداء فيها آلة حاسبة دايمًا، فما يشوفونك مستثمر. لكن الواقع؟
إن هذا النوع من الاستثمار – اللي يسمونه Trading أو المضاربة – هو الأقل نجاحًا عند أغلب الناس، ويتطلب جهد ذهني ووقتي عالي، وغالبًا مخاطرة أعلى من العائد.
وارن بافت والتحدي الشهير
في 1 يناير 2008 تحدّى المستثمر الأمريكي الشهير وارن بوفيت إحدى الشركات الاستثمارية في إنهم يحطون 1 مليون دولار ويشوفون من بيطلع نتائج أفضل على مدار الـ10 سنين. طبعًا الشركة مليئة بالخبراء والمحللين و استثمروا المليون دولار وفق خططهم وتوقعاتهم وتحاليلهم، بينما وارن بوفيت استثمر المليون دولار في صناديق ومؤشرات استثمارية بس. بعد عشر سنين استثمار المليون دولار للشركة المليئة بالخبراء والمحللين زادت بنسبة 34٪، بينما مليون وارن بوفيت زادت بنسبة 185٪
وارن هنا استثمر في استثماره، يعني استثمر في وقته لنجاح استثماره المالي. وهنا الاستثمار الحقيقي اللي يناسب معظمنا.
الاستثمار في الاستثمار يبدأ من وقتك
مثل ما تعودنا أن الأشياء قديمًا تأخذ وقت أطول، ومثل ما السفر كان بالأشهر واليوم بالساعات. الاستثمار اليوم ما يتطلب كل الوقت اللي تتوقعه.
الحين صرت تقدر بـ3 دقايق فقط تفتح محفظة استثمارية في أفضل الصناديق أداءً في مختلف الأسواق وتودع في محفظة مخصصة لأهدافك. هالـ3 دقايق سابقًا قد تأخذ أشهر واتصالات عديدة ومشورات مديدة. فاستثمر وقتك في استثمارك دراهمك، وإبدأ مع أربح وأريح طريقة للاستثمار.
