الصناديق بين المختلطة والنقية
في سوق الأسهم السعودي، دايم نسمع بمصطلحات "نقية" و"مختلطة" و"محرمة". طيب وش الفرق بينها؟ في هالنشرة بنتكلم بشكل مبسط عن أنواع الأسهم، والصناديق من ناحيتها الشرعية،
- الأسهم النقية هذي تكون شركات نشاطها حلال 100٪، وما عندها أي إيراد محرم مثل الفوائد الربوية أو استثمارات غير شرعية. بالتالي ما تحتاج تطهير للأرباح.
- الأسهم المختلطة هي شركات نشاطها الأساسي مباح وحلال، بس فيها إيرادات أو أنشطة جانبية غير متوافقة مع الشريعة، مثل فوائد ربوية بسيطة أو استثمار في أدوات مالية محرمة بشكل جزئي. هذي الأسهم تحتاج تطهير للأرباح عشان نتخلص من الجزء المحرم.
- الأسهم المحرمة هذي بشكل عام نشاطها محرم من الأساس، مثل شركات خمور أو بنوك ربوية 100٪، أو أي نشاط غير مباح في الشريعة. الاستثمار في هالأسهم محرم بالإجماع، فما يجوز لمسلم يستثمر دراهمه فيها.
أما الصناديق المختلطة والنقية،
- الصناديق النقية هي الصناديق اللي تستثمر في أسهم نقية تمامًا. ما فيها أي مصدر دخل محرم، فما تحتاج عملية التطهير نهائيًا. وغالبًا تكون الاختيارات فيها محدودة جدًا، لكن مريحة من ناحية شرعية.
- الصناديق المختلطة هي الصناديق اللي تضم شركات مختلطة. يعني بعض الشركات يكون فيها جزء غير متوافق، وعلينا نطهر هالجزء. ﻭﻳﺠﺐ ﺍﻟﺘﺨﻠﺺ ﻣﻦ ﺍﻹﻳرﺍﺩﺍﺕ ﺍﻟﻤﺤﺮﻣﺔ- وفق ﺍﻟﺸرﻭﻁ التالية:
ﺃ. ﺃﻻ ﻳﺘﺠﺎﻭﺯ ﺍﻟﻘﺮﺽ ﺍﻟﻤﺤﺮﻡ 33% ﻣﻦ ﺇﺟﻤﺎﻟﻲ ﻣﻮﺟﻮﺩﺍﺕ ﺍﻟﺸﺮﻛﺔ، ﺃﻭ ﻣﻦ ﻣﺘﻮﺳﻂ ﻗﻴﻤﺘﻬﺎ ﺍﻟﺴﻮﻗﻴﺔ، أيهمها ﺃﻋﻠﻰ.
ﺏ. ﺃﻻ ﻳﺘﺠﺎﻭﺯ ﺍﻻﺳﺜﻤﺎﺭ ﺍﻟﻤﺤﺮﻡ 33% ﻣﻦ ﺇﺟﻤﺎﻟﻲ ﻣﻮﺟﻮﺩﺍﺕ ﺍﻟﺸﺮﻛﺔ، ﺃﻭ ﻣﻦ ﻣﺘﻮﺳﻂ ﻗﻴﻤﺘﻬﺎ ﺍﻟﺴﻮﻗﻴﺔ، أيهمها أعلى.
ج. ألا يتجاوز الإيراد المحرم 5٪ من إجمالي إيرادات الشركة.
ﺩ. ﺃﻥ ﻳﺘﻢ ﺍﻟﺘﺨﻠﺺ ﻣﻦ ﺍﻹﻳﺍﺩ ﺍﻟﻤﺤﺮﻡ، ﻭﺫﻟﻚ ﺑﺘﺠﻨﻴﺐ ﺍﻹﻳراد ﺍﻟﻤﺤﺮﻡ ﻣﻦ ﺍﻷﺭﺑﺎﺡ ﺍﻟﻤﻮﺯﻋﺔ، ﺃيًا ﻛﺎﻥ ﻣﺼﺪﺭﻩ، ﻭﺗﺠﻨﻴﺐ ﺍﻹيرﺍﺩ ﺍﻟﻤﺤﺮﻡ ﻣﻦ الاستثمار.
طيب من المسؤول عن الزكاة والتطهير؟
في الواقع، مدراء الصناديق ما يخرجون الزكاة عن المساهمين. فشرعيًا، الزكاة واجبة على مالك الوحدة (الشخص اللي اشترى في الصندوق)، مو على الشركة أو مدير الصندوق.
لكن، هل شرعًا يمدي دراهم تدفع الزكاة عني؟
إذا حاب إن دراهم تسوي هالخطوة عنك، فهذا جائز شرعًا من باب الوكالة. يعني أنت توكل دراهم إنها تخرج الزكاة والتطهير عن الأرباح بالنيابة عنك. هالخيار مريح لكثير ناس ما عندهم وقت يحسبون التفاصيل، بس يبون يلتزمون بالشرع في نفس الوقت.
ختامًا، مهما كان اختيارك، تذكر إن الهدف الأكبر هو الحفاظ على بركة مالك وراحة بالك. استثمارك مع دراهم بذكاء بيريحّك من الجانب الشرعي وتكون مطمئن من ناحية شرعية أرباحك، علشان كذا دراهم هو أربح وأريح طريقة للاستثمار.
