المخاطر في الاستثمار
النشرة هذي في أول يوم من سنة 2025، ان شاء الله تكون سنة خير علينا جميعًا، ومع بداية هالسنة ودي اشرح مصطلح شائع ودايمًا تسمعه لما ينفتح أي موضوع استثماري، وهو المخاطرة. لكن وش هي المخاطر في الاستثمار ووش المقصود فيها عادةً؟
المخاطر في الاستثمار نقصد فيها مدى تذبذب الأصول الاستثمارية، والتذبذب يحمل المعنيين، الهبوط والارتفاع.
فكل ما كانت المحفظة عالية المخاطر أكثر، كل ما كان احتمالية أنها ترتفع بشكل كبير وأكثر من المتوقع، وفي المقابل أنها تهبط بشكل كبير كذلك تكون بشكل أكثر. والمحافظ اللي تكون منخفضة المخاطر هي اللي تذبذبها خفيف بحيث أعلى نقطة ربح وأقصى نقطة خسارة جميعها في الحد المحدد والمتوقع.
إذا تذكر نشرة "البيتكوين فرصة العمر" تعتبر العملات الرقمية أعلى الأصول مخاطرةً من بين كل الأصول الاستثمارية. لأن تذبذب قيمتها يرتفع وينخفض بشكل جنوني خلال ساعات فقط!
مثلاً، عملة البيتكوين في 2010 كانت قيمتها أقل من دولار واحد، واليوم (رغم التقلبات)، صارت قيمتها بالآلاف. اللي استثمر فيها بالبداية وصبر على المخاطرة الكبيرة صار مليونير أو حتى ملياردير. لكن بنفس الوقت، فيه ناس خسرت مدخراتها بالكامل بسبب انخفاض مفاجئ في قيمتها أو بسبب الاستثمار في عملات رقمية ثانية انتهت تمامًا واختفت من السوق.
طيب،
كيف نتعامل مع المخاطر في الاستثمارات؟
التعامل مع المخاطر في الاستثمار يحتاج تخطيط ووعي، لأن الهدف مو إنك تتجنبها تمامًا، لكن إنك تديرها بطريقة توازن بين العائد المتوقع والخسائر المحتملة. أول خطوة هي إنك تفهم مستوى تحملك للمخاطر، يعني تسأل نفسك: "كم أقدر أخسر بدون ما أضر أهدافي المالية؟".
بعدها، التنويع يكون مفتاح مهم. لا تحط كل دراهمك في استثمار واحد، مهما كان مغري. وزّعها بين قطاعات وأصول مختلفة مثل الأسهم، الصكوك، العقارات، أسواق النقد.
ولا تنسى تفكر على المدى الطويل. معظم المخاطر تقدر تتجاوزها إذا استثمرت بفكر بعيد المدى بدل من التركيز على المكاسب السريعة. الصبر مع إدارة المخاطر ممكن يكون أقوى سلاح لك في عالم الاستثمار.
هل اقدر استثمر في خيارات منعدمة المخاطرة؟
في عالم الاستثمار، ما فيه أصل يخلو تمامًا من المخاطر، لكن فيه خيارات قريبة جدًا للأمان، مثل السندات الحكومية أو شهادات الإيداع اللي تضمن عوائد بسيطة لكنها ثابتة. وإذا تبي حل أربح وأريح، جرّب محفظة دراهم الادخارية. هالمحفظة مصممة للي يبغى يستثمر دراهمه في خيار شبه منعدم المخاطر. فكرتها تستثمر في أسواق النقد ومتوسط عوائد المحفظة يوصل لـ6٪!
ومحافظ دراهم الخمس، الادخارية والآمنة والمتوازنة والعالية والنشطة. تجمع لك بين العوائد العالية .. والمخاطر المنطقية، ومنوعّة بين أصول متعددة تخفف من التذبذبات المتوقعة وتقدر تختار المحفظة بالأصول ومستوى الخسارة اللي يتناسبان مع أهدافك المالية.
ومع بداية السنة الجديدة،
احرص على أنك تدّخل عادة الاستثمار في سلوكياتك هالسنة، اعرف أكثر عن الاستثمار والمخاطر والأصول وحدد أهدافك المالية والنتائج اللي ودك توصل لها. وإذا ودك بأربح وأريح طريق للاستثمار .. عندك دراهم😎
