جاهز لعيد الفطر؟🌛
أهلًا 👋🏼،
بدري صح؟ بس قبلها الله يبلغنا رمضان لا فاقدين ولا مفقودين، ما بقى على الشهر الفضيل إلا أيام قليلة!
لكن خلني أسألك، متى آخر مرة وصلت للعيد وأنت مرتاح مالياً؟
المشكلة إن معظمنا يعيش نفس السيناريو كل سنة، يمرّ رمضان، نعزم وننعزم، مقاضي رمضان الطارئة، وفي 25 رمضان نتفاجأ كلنا مع بعض على واقع أن العيد باقي له كم يوم!
العيديات، ملابس الأطفال، الحلويات، هدايا الأقارب، وإذا كان عيدك في مدينة ثانية زيد تكاليف السفر. كل هالمصاريف تطلع مرة وحدة، وحنا ما حسبنا حسابها.
هالعيد؟ خلنا نحاول نغير السيناريو.
ابدأ من الحين، مو من 25 رمضان
التخطيط المبكر مو رفاهية، هو ضرورة. لما تجلس مع نفسك قبل رمضان وتحسب الأمور، وتقسمها على البنود المهمة: العزائم، المقاضي، ملابس العيد، السفر، والعيديات.
لما توزع كل ريال على بنده، بتشوف الصورة واضحة قدامك. بتعرف بالضبط كم معك، وكم بيطلع منك، ووين ممكن تعدل إذا احتجت.
قبل نبدأ نشرتنا، قد سمعت بـ جائزة المستثمر الذكي الخليجي ؟
الجائزة هي أحد مبادرات برنامج مُلم، وتهدف إلى تشجيع الشباب في إنتاج محتوى إبداعي يُسهم في إثراء المحتوى المالي والاستثماري. المسابقة تتكون من أربع مسارات وهي التصوير، الفيديو، الرسم والكتابة، وتصل قيمة الجوائز عليها إلي ما يزيد عن 1,500,00 ريال سعودي! شيّك على التفاصيل ولا تفوت على نفسك الفرصة
الأخطاء اللي نكررها كل سنة
التسوق العشوائي يقولون لا تتسوق وأنت جايع، فما بالك وأنت صايم! غالبًا بتلقى نفسك فجأة طالع بأكياس ما تحتاجها وفيه حل لطيف اللي هو أنك تطلب المقاضي من التطبيقات، على الأقل أنك تشوف صور المنتجات أخف وطأً على دماغك من أنك تشوفها على الواقع.
دراهم يسهل عليك الموضوع كله
هنا يجي دور دراهم في تبسيط حياتك المالية. تقدر تصمم ميزانية خاصة برمضان والعيد، تضبطها زي ما تبغى، وتتابع كل ريال يطلع.
الحلو إنك تقدر تشارك هالميزانية مع العايلة. الكل يشوف كم الميزانية المحددة، وكم صرفنا، وكم باقي. هالشيء يخلي الكل مسؤول.
شارك العائلة
فكرة المشاركة مع العائلة ذكية جدًا لأنها تحمّل كل شخص مسؤوليته، وتتفقون من البداية على حدود معينة للمقاضي وللهدايا والعزايم والثياب وباقي التكاليف. بنعيش أجواء رمضان والعيد بهدوء. وفي نهاية المطاف، راحة البال هذي تخلينا نستمتع بالشهر الفضيل وأيام العيد بشكل أفضل.
إذا أنت ناوي تسوي هالطريقة هالسنة، فالأفضل تبدأ الحين قبل لا يبدأ رمضان. ومن تطبيق دراهم، صمم ميزانية رمضان والعيد بالعناوين اللي تهمك، ووزّع المصاريف بطريقة واقعية، تابع صرفك باستمرار، وخل عائلتك كلها تشاركك في اتخاذ القرارات. صدقني، بتلاحظ فرق كبير لما يدخل العيد وأنت مرتّب ميزانيتك ومشرك أهلك في كل التفاصيل.
عيد الفطر فرصة عشان ننبسط ونفرح مع أهلنا وناسنا. ما نبغى نعيشه في نفس الدوامة قبل كل ليلة العيد. فخلنا نستعد من بدري، ونرتب أمورنا بأبسط طريقة ممكنة. ومع دراهم، الميزانية لرمضان والعيد بتكون أسهل وأوضح.
