عن المحافظ الاستثمارية

الاستثمار صار حاجة وسلوك أساس للأفراد في هالزمن،

ويختلف أهداف الاستثمار من شخص للآخر، وبناءً على هالاختلافات صممنا في دراهم محافظ تناسب معظم الأهداف من الأقل مخاطرة تمامًا إلى الأعلى عوائدًا على الإطلاق،

طيب ايش يعني بالمخاطرة لما نتكلم عن الاستثمارات؟

المخاطر في الاستثمار نقصد فيها مدى تذبذب الأصول الاستثمارية، والتذبذب يحمل المعنيين، الهبوط والارتفاع.

فكل ما كانت المحفظة عالية المخاطر أكثر، كل ما كان احتمالية أنها ترتفع بشكل كبير وأكثر من المتوقع، وفي المقابل أنها تهبط بشكل كبير كذلك تكون بشكل أكثر. والمحافظ اللي تكون منخفظة المخاطر هي اللي تذبذبها خفيف بحيث أعلى نقطة ربح وأقصى نقطة خسارة جميعها في الحد المحدد والمتوقع.

خلني بأخذ لك فكرة عن المحافظ اللي عندنا وعند مستويات المخاطرة والأصول اللي تستثمر فيها، وهي كالتالي:

1- المحفظة الادخارية:

هي المحفظة الادخارية اللي تستثمر لك في أسواق النقد وتعتبر أقل محفظة مخاطرة لدرجة شبه معدومة.

وتناسب اللي أهدافه المالية على المدى القصير في حدود السنة سنتين وأقل وما وده بمخاطر عالية.

متوسط عوائد المحفظة الآمنة المتوقع يصل لـ6٪ كأعلى متوسط نسبة عوائد لمحفظة ادخارية.

2- المحفظة الآمنة:

محفظة مخاطرتها منخفضة وتركّز في أصولها على الصكوك. مما يشكل 70٪ منها.

و15٪ عقار. و15٪ أسهم عالمية متنوعة.

وهي تخدم نفس الغرض في المحفظة الادخارية لكن على مستوى مخاطرة أعلى بشوي.

3- المحفظة المتوازنة:

هالمحفظة للمتوازن في أهدافه بين المخاطرة والعوائد ووده بشيء لا هو مرتفع المخاطرة ولا هو منخفض العوائد

تتقسم أصول هالمحفظة بين 45٪ صكوك و15٪ عقار و 40٪ أسهم 5٪ منها سعودية!

4- المحفظة العالية:

هذي محفظة عالية المخاطرة، 70٪ منها أسهم بين العالمية والسعودية، و20٪ عقار و10٪ صكوك.

تتوزع أسهمها العالمية بين أبل وتسلا وأوبر وغيرها، و10٪ في السوق السعودي بشكل مباشر.

متوسط عوائدها المتوقعة 12.58٪ وأقصى ربح سنوي وصل لـ34.66٪ !

5- المحفظة النشطة:

أما هذي،

فلا يقرب منها إلا اللي قلبه قوي. تعتبر مو عالية التذبذب فقط بل عالية التذبذب جدًا.

تستثمر 100٪ في السوق السعودي وبشكل مباشر من خلال 5 صناديق. 4 صناديق بين الراجحي المالية ودراية وهي وهي المرن للأسهم السعودية من الراجحي المالية ودراية المالية وصندوق الأسهم السعودية من الراجحي المالية ودراية المالية. وصندوق جدوى للأسهم السعودية الفئة ب. وهذي تستثمر لك في أكبر الشركات السعودية مثل أرامكو وSTC وعلم وأكواباور والحبيب وغيرها. متوسط العائد المتوقع لآخر خمس سنوات يصل لـ21.67٪!

ولذا لما تختار محفظتك الاستثمارية أو أي استثمار بشكل عام. اختارها بناءً على الأهداف المالية والاحتياجات والالتزامات المادية اللي عندك. واختر الطرق اللي تشوفها أنت أكثر تناسبًا معك، وإذا ودك تعرف أربح وأريح طريقة للاستثمار  .. عندك دراهم.😎