أول ألف ريال!
بتصميم سميّة الشهري

أول ألف ريال!

عبدالمحسن أبومالح
audio-thumbnail
تذكر أول الف ريال جمعتها؟
0:00
/81.024

يا هلا 👋🏼،

تتذكر أول ألف ريال جمعتها في حياتك؟

يمكن من مكافأة الجامعة، أو من أول راتب، أو من عيديات كنت تخبيها لين تصير مبلغ يستاهل.

الغريب أن الألف ريال وقتها كان لها شعور مختلف.

تفرح فيها، وتحسب حساب كل ريال يطلع منها، ويمكن تقعد كم يوم تفكر قبل تشتري شي بمية ريال.

لكن بعد سنوات، ممكن تصرف الألف نفسها خلال دقائق، وما تحس أنها مبلغ كبير.

وش اللي تغير؟ قيمة الألف، أو نظرتك لها؟

في الاقتصاد السلوكي، فيه مفهوم اسمه «التكيّف»، وهو أن الإنسان يتعود على ظروفه الجديدة، حتى لو كانت في البداية تفرحه بشكل كبير.

وهذا ممكن يصير مع الراتب.

أول ما يزيد راتبك، تحس أن عندك دراهم أكثر. لكن مع الوقت، تزيد بعض مصاريفك، وتتغير عاداتك، ويرجع اللي يبقى من راتبك آخر الشهر قريب من أول.

مو لأن زيادة الراتب ما نفعتك، لكن لأن مصاريفك زادت معها.

طيب، وش الحل؟

قبل ما تتعود على أي زيادة في راتبك، خل جزء منها للادخار والاستثمار.

حتى لو كان مبلغ بسيط، الفكرة أنك تعطي مستقبلك نصيب من زيادة راتبك، مو بس مصاريفك الحالية.

وفي دراهم، تقدر تبدأ بخطة استثمار تناسب أهدافك والمخاطر اللي تقدر تتحملها، وتبني عليها مع الوقت.

وتتذكر أول ألف ريال كنت فرحان فيها، هل يمديك تعامل الألف الجاية بنفس الاهتمام والفرحة؟ 🤔